《狂野時速》聚舊　神奇女俠Gal囡囡首曝光

《狂野時速》（Fast & Furious）系列拍檔再次聚頭，現時以「神奇女俠」角色入晒屋嘅Gal Gadot日前抱埋3個月大嘅囡囡Maya同《狂》舊拍檔雲狄素（Vin Diesel）聚舊。

雲狄素喺社交網Facebook上載同Gal母女於荷里活山大宅嘅合照，自己嘅9歲大女兒Hania亦喺佢懷裡瞓得好甜，留言：「當我哋唔係扮演超級英雄時，滿滿既愛。」場面不知幾咁溫馨！今次亦係Gal嘅囡囡首張公開照片，素顏嘅Gal仲一副慈母樣揸住奶樽餵緊奶。

Gal同雲狄素於《狂》第四、五及六集合作，喺第七集《狂野時速7》（Fast & Furious 7）入面亦出現Gal角色張相。