客串《深宮計》 麥玲玲古裝扮相曝光

20170626
東網電視
更多新聞短片
古裝玲玲你見過未?
玄學家麥玲玲不嬲都有客串下劇集,多數係時裝劇,但估唔到連古裝佢都撈埋!無綫重頭劇《宮心計2深宮計》日前移師橫店拍攝,見玲玲古裝扮相都幾唔錯,演出「金夫人」一角,但屬有料之人嘅佢竟然封胸,唔知係咪唔想搶周秀娜、羅霖等鏡呢?而玲玲雖然只得一場戲,但監製梅小青都親自落場同佢試戲,玲玲喺微博度話:「一次到橫店影城,第一次認真地以古裝作造型,為宮心計2深宮計客串演出,雖然是簡簡單單的一場戲,但由髮簪到服飾,再到每一句對白的演繹方式,梅小青都親力親為,悉心指導,專業情度無懈可擊。」
麥玲玲接受東網訪問時笑言倒貼來到橫店開工,客串一場戲,玲玲姐稱:「我哋一行四人,私人化妝師,又有助手,所以我哋自己再租酒店,同補買機票。(倒貼?)幾萬蚊啫,係自己要多人跟去啫,唔關無綫事,亦唔想打亂無綫條數,咪當玩下囉!」劇中演「金夫人」一角,着起古裝,未見有谷胸效果,玲玲姐笑言都要做啲手腳:「小青姐好滿意,我都好有驚喜,好靚!(戲服、頭飾重嗎?)其實改良咗,髮髻物料輕咗好多,但我化妝連着衫都用咗三個鐘,但拍攝時好好玩,係呢度橫店熱咗啲啫!」