鄧麗欣跟方力申學買畫　升晒值唔會賣

藝人鄧麗欣（Stephy）到茶餐廳出席慈善活動，並化身「夥計」為客人落單，受訪時她表示首次做侍應，故很緊張：「驚自己手腳慢，不過今日落單啲錢會捐畀慈善機構，同埋嚟到我先知唔可以着短褲，唔知係唔可以太性感定係驚辣親。（驚你畀人抽水？）應該驚畀嘢辣親。」講到茶餐廳有不少速寫術語，她謂只識少少。她亦謂今日會做三小時侍應，笑言不接受客人要求簽名及合照，因為要做個專業服裝生及想做多些生意捐錢畀慈善機構，但最後她都有跟食客影相。

講到工作，Stephy表示7月尾會拍新電影，詳情未能透露，但不是葉念琛的戲。她亦謂7至9月會拍兩部警匪片，但不用穿制服：「但都辛苦，因為要跑嚟跑去。」問到可怕會弄傷頸椎舊患？她謂已好番哂，之前盡快養傷，因為要打排球比賽，亦謂隔多個星期打埋最後一場升級比賽後就專心工作：「但其實依家都暫時升唔到，係護級比賽。」

而講到前男友方力申投資買畫及買樓，身家估計過億，Stephy表示自己都有買畫，問是否小方教？她笑言：「以前有佢介紹有買畫，但依家冇再買，之前買都冇諗投唔投資。（之前買落嘅畫應該升值？）都有，但冇刻意諗，自己鍾意都唔捨得賣，除非好唔掂，希望唔會啦。（去到某個價位會賣？）都未必，自己鍾意先買。」她亦謂自己有做時裝生意，希望可以從內地進軍香港，亦謂遲些有意做運動時裝生意。講到小方身家過億，問她身家有幾多？她笑言：「冇計。（有冇八千萬？）冇，得好少。」她亦坦言視過億為目標，希望有日可以賺到過億。講到小方有錢，問到可會考慮番小方？她謂：「下...咁難答嘅，祝福大家，依家努力搵錢。（有冇拍拖？）冇，依家努力搵錢。」

----------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/6RCd3j