Angelica複選冇影　網民：還我佛地魔

港姐首輪面試，最一鳴驚人並唔係高學歷靚女，反而人氣最高嘅，就係人稱佛地魔嘅Angelica！

其實連日嚟，Angelica已成為網紅，被起底之餘，好多巴打絲打都話想佢入到今日複選，點知...佢真係冇緣晉級，唔少網民「義憤填膺」為佢發聲。有巴打替Angelica感不值，認為應該多元化選佢入嚟，更有人留言「還我佛地魔」、「永續佛地魔」，仲話好掛住佢喎！

Angelica冇咗影，唔緊要！原來佛地魔都有「替替身」，就係23歲嘅Moon，Moon被指疑整容，不過佢已當場捏鼻，以證靚樣冇花假！