滿約華納 周柏豪轉公司做譚順生師弟?

20170627
東網電視
更多新聞短片
歌手周柏豪出席超級市場舉行的活動,問到柏豪有否為太太買女士用品?曾代言衞生巾的柏豪說:「唔使買啦。(有冇喺度買過避孕套?)冇喎,私人嘢唔話畀你聽。」他承認是個知慳識儉人:「我乜嘢分都會儲,驚死蝕底,有時將啲分換機票,有時換分捐吓錢,橫掂都要交稅。」
他透露與華納唱片合約今日屆滿,柏豪說:「明天(28/6)就有新生活、新轉變。」問到是否簽約HMV唱片部做近排是非纏身的譚順生師弟?柏豪大賣關子說:「會有啲新合作,遲啲有公布。(做譚順生師弟可以去佢唱歌學校學唱歌?)幸會。」問到何時生B?柏豪說:「未有呢個計劃。」
對於他與蔡卓妍主演的《原諒他77次》票房已過千萬,柏豪說:「係呀,內地票房都有三千萬,差唔多半億,幾好成績,原本謝票已經做晒,今晚都加多場。(拍AV片或騷肌慶祝?)係你哋講之嘛。」另外,日前被市民偷影到與老婆食平民麵,柏豪說:「食麵冇分平唔平民,都知畀人偷影,其實係個幾月前,演唱會後諗住抖吓去食個麵。」