苟芸慧孖陸漢洋英國歎自家製印度菜

身為「處女黨」最後一員嘅藝人苟芸慧（苟苟）同男友陸漢洋早前就高調認愛，雖然苟苟就正式封盤，令好多宅男心碎，不過大家都仍然好替佢哋開心，送上祝福。近日苟苟仲同男友去咗英國，陸漢洋就喺社交網上載二人合照，仲話食咗一餐好好味兼自家製嘅印度菜，似乎陸漢洋都食得好滋味，難怪佢伸晒脷，網友都話陸漢洋孖住同苟苟一齊，一定食咩都咁開心，仲搞笑問佢哋係咪預支蜜月旅遊，真係sweet爆，而有網友則留意到苟苟係素顏上陣，都大讚佢一樣咁靚爆鏡呀！