重口味！王菀之靠扮阿伯冧掂老公

歌手王菀之（Ivana）日前與梁祖堯、湯駿業（Ah Dee）為7月再度公演的舞台劇第六季排練，Ivana上次與張敬軒開演唱會，被對方投訴經常要趕回家煮飯給老公蘇卓航（Eric So）吃，她笑言今次調轉，由老公為她煮飯：「今次呢啲係佢做。」祖堯提議幫手服侍她老公，她即表示贊成：「都好吖，或者叫佢嚟呢度開飯囉。（你老公望住你排戲都得？）我好想但佢唔會嚟，但佢好鍾意去睇。」她大爆Eric So當年因此劇而對她加分，兩人繼而迅速拍拖：「佢嚟咗睇，嗰時識咗但未拍拖。佢見到我個角色王伯就話點解會咁嘅？佢係因為王伯而墮入情網。」Ah Dee即笑說Eric So重囗味：「佢唔只鍾意男人，佢鍾意一個女人扮嘅男人，仲係阿伯！ 」

師奶上身教攻略

講到各人在劇中曾分飾多個角色，問到最喜歡哪一個？祖堯笑言最喜歡「超市喪屍」內貪心的梁師奶：「超市臨收工有人貼特價紙，大家都喺度捕。呢個係我嘅真實體驗，亦都係自己嘅嗜好，演起上嚟得心應手。」人妻Ivana也師奶上身：「9點半之前同之後個價值差一截！有時未必需要去搶，有策略嘅，見到人多唔一定係嗰度，因為超市好大，仲有好多地方減價，你要去番間熟路少少嘅。」兩個「師奶」提供必搶攻略，指沙律、飯團和麵包都會特價。

唔識電腦但係做程式員

Ah Dee則笑指自己溫文爾雅和內斂，飾演暴躁的便利店顧客特別有挑戰性：「個角色畀工作抑壓，冇地方發洩就鬧個便利店員工。鬧嗰陣自己好過癮，觀眾就覺得我好可笑。」這時Ivana戲癮大發，即席演繹角色高層Iris獨特的說話方式，非常爆笑，她亦自爆曾經靠關係做過程式員，Ah Dee很驚訝她懂得用電腦，她笑說：「梗係唔識啦，所以去咗做影印、叫下午茶同少少執拾嘅工作。我係最低啦，人哋都唔敢卸嘢畀我做，因為我真心唔識，就自己搵嘢做。」

王菀之化妝：Janice Tao (ZING the Make UP School)

王菀之髮型：Kate Shek (Hair Culture)

王菀之服裝：ZUCCa@I.T