30歲喇！林夏薇孖老公出海　甜蜜扮咀嘴

索爆人妻林夏薇周不時都會喺社交網晒靚相，今日踏入30歲嘅佢，就喺微博上載慶生相，原來佢嘅老公莫贊生（Jason）同佢出海慶祝，相中就唔見有其他人，兩口子簡簡單單咁過生日，真係非常幸福！

夏薇喺微博留言：「Happy birthday to me️29+1啦！我的生日願望就是：我愛的，愛我的，健康幸福！還有⋯謝謝你的安排感動～」見到Jason好細心用啲汽球嚟布置，砌咗「HAPPY BIRTHDAY」同夏薇英文名「Rosina」，而着上連身花花露肩裙嘅夏薇大擺甫士影相，而最Sweet嘅莫過於係兩公婆嘟嘴扮咀呀！

而佢嘅好姊妹胡定欣就有留言畀佢，笑言「好了，不用再討厭你一直還是『2字頭』」！