男友係必要？阿Sa：有就令自己更完整

組合Twins接受電台訪問宣傳新歌《不愛之恩》，並分享戀愛事，問到可覺失戀慘？蔡卓妍（阿Sa）表示：「失一、兩次戀就話啫，但失咗幾次戀都係差唔多，個人仲企喺度就得。」鍾欣潼（阿嬌）亦謂時間會沖淡一切，會有更好的人。問到受打擊可會對愛情失去信心？阿Sa表示：「冇，一直都對自己有信心，信心唔係實有人要，而係有足夠能力去照顧自己，女人有得選擇過自己嘅生活，有另一半可以令自己更完整，但又唔係好必要。」

阿嬌亦謂此曲是想着前度來唱，問到可會跟前男友保持聯絡？阿Sa直言：「冇，除咗同初戀之外，大家做過情人好難將呢樣嘢分開，我錫過你但依家係朋友好奇怪，同埋佢哋好多都有女朋友或結咗婚。」阿嬌則謂：「唔係成日搵，但見到咪say hi，唔會詳談，睇吓點分手，當然有啲做唔到朋友。」