化妝用六個鐘！羅仲謙拍戲挑戰耐性極限

藝人羅仲謙日前接受電台訪問宣傳電影《西遊記女兒國》，他坦言最大挑戰是耐性，羅仲謙說：「化妝係需要好大耐性，套戲拍咗四個月，每日化妝都要睇化妝師狀況，最多要六個鐘頭，過程唔辛苦，但考驗一個人嘅耐性，除要坐幾個鐘，仲要係面上噴唔同顏料，又要着肌肉服，挑戰性好大。」對於戲中的郭富城已榮升人父，羅仲謙說：「佢係我偶像，最欣賞佢遊戲時遊戲，工作時工作，同埋鍾意佢挑戰一啲自己未試過嘅嘢，去發掘更多自己可能性。」

羅仲謙提醒入場觀眾要睇到尾，他說：「最難忘一場，放喺電影播完嘅幕後花絮，所以大家睇完唔好即刻離場，睇埋我古裝造型。」問到何時做爸爸？羅仲謙說：「隨緣啦，唔可以強求，我同阿怡（楊怡）一啲都唔心急。」