開場即停雨　黎明爆金句：瞬間兩個世界

天王黎明（Leon）、張智霖（Chilam）以及陳小春，在中環海濱出席「開心幸運里」活動，開騷前半小時天公不作美落大雨，到了8時40分左右音樂會開始，此時已停雨，Chilam、小春及Leon輪流上台獻唱，三人合唱《三人行》後，Leon爆金句講：「一瞬間兩個世界，落完雨就兩個世界。」小春都好驚會取消，擔心落雨影響個騷，Chilam更有首歌差點唱不到。

自彈自唱

Leon謂在香港成長，在1981年他16歲時沒有車牌，坐朋友的車，去淺水灣等不同地方燒嘢食：「嗰時喺淺水灣喇叭如果播歌播得太大聲，隔離住嗰啲外籍人士就會投訴，後尾就好細聲，好多人燒雞翼，隔離有啲男仔有女朋友，嗰時我哋咁細個，見到人哋拍拖自己又冇，喺沙灘、返學都會播呢首歌，呢首歌好有回憶。」之後自彈自唱《有了你》。唱完後他表示時間過得好快，故要好好珍惜與大家一起的時候。他亦謂與Chilam及小春一起工作很久，大家在不同地方工作，有大家支持很開心，之後唱出《深愛著你》。

叫JC上台合唱

Leon又講起愛情的話題，表示每個年代都會有愛情的歌，每個年代都會有「現代愛情故事」，但要重組當年組合很難，故請出旗下歌手JC出來唱，Leon笑言多謝Chilam畀自己抽水唱，之後他與JC及Chilam合唱此曲，但音樂響起Leon即叫停，搞笑問JC可有聽過此曲？JC話梗係聽過：「唔敢呃你。」