熊黛林谷胸晒線做運動　網民：好有壓迫感

名模熊黛林（Lynn）下嫁藝人郭可盈胞弟郭可頌後，正式榮升做郭太過着人妻生活，但佢未有偷懶，繼續保持做運動呢個良好習慣，令自己身形依然Fit爆。

雖然Lynn曾經講過想生小朋友，但仍未見有好消息傳出。不過唔緊要，依家先養好身體、增加體力，方便日後佗小朋友都係啱嘅。熊黛林喺社交網就上載咗着住運動Top做運動嘅相，佢做完運動滿頭大汗，睇嚟真係好認真咁，佢仲留言：「大夏天的出身汗真痛快！」

網民對呢張相嘅接受程度好高，因為大家將焦點放咗落去佢個澎湃嘅上圍度，仲話震撼得嚟好有壓迫感。