吳若希產後打拳收身　自爆將男友當靶打？

歌手吳若希（Jinny）雖然依家專心湊囡囡Giselle，不過佢亦經常更新社交網，讓一班網友知道佢嘅動向。而日前佢出席張繼聰同謝安琪囡囡嘅百日宴時，都已經見到佢極速收身成功，原來最近佢學緊拳擊，難怪身形可以咁快fit番晒！

今日Jinny喺社交平台上載咗一段學拳擊嘅片，仲話：「其實學拳擊最開心是，下午跟教練練完，回家還有人給你當靶打！」片中見到Jinny拳拳有力，打得有板有眼，非常厲害！網友都大讚Jinny打得非常好，仲搞笑話佢日練夜練，難怪可以收身收得咁快。另外，又有網友笑指片中唔見佢嘅男友Alex，唔通畀Jinny喺屋企當靶打嘅人正是Alex？