King@C AllStar圓夢做DJ打碟
最近忙着籌備10月紅館演唱會的組合C AllStar,日前為新歌《靈魂進化》拍MV,休團在即,四子都很享受和珍惜一起工作的時間。今次新歌由陳健安(On仔)填詞,吳崇銘(King)有份編曲和監製,歌詞和MV內容都是鼓勵追逐夢想。而熱愛電子音樂和夢想成為DJ的King,在今次MV中「夢想成真」,他化身DJ打碟,出動私伙打碟機,在MV拍攝現場認真打碟,全場廿幾位演員都真被他的音樂打動,不用導演嗌action都跟着音樂跳舞,非常high!
MV故事中,飾演上班族的King工作遇挫折感氣餒,但當他聽到音樂後就拿出打碟機,與辦公室裡成班死氣沉沉的同事開心跳舞;何建曦(Jase)就激勵OL變身電單手; 而On仔就用音樂喚醒維修工人變拳擊手;釗峰鼓勵幼稚園老師成為粵劇演員。King說:「其實每個人心裏都有夢想,但經常被烏雲遮蔽,MV裏我哋用音樂幫呢啲人打散烏雲,激發佢哋嘅潛能,幫佢哋嘅靈魂進化。」On仔形容他們的歌曲是一個幫人靈魂「升呢」的apps。
釗峰透露MV尾聲全場穿着白色衣服跳舞暗藏玄機,On仔說:「之前迷失嘅人聽到我哋嘅音樂之後進化,然後大家着住白色衫嚟開White ……Right Party,正確嘅方向。」而今次參與拍攝的全部都是C AllStar的忠粉,釗峰表示初出道時經常找一大班Fans客串MV,相隔多年再邀請他們一齊拍MV,看見他們成長,喚起很多美好回憶。