打成一片！潘盈慧讚《宮心計》演員勁有愛

無綫娛樂新聞台主播潘盈慧早前採訪完「成龍動作電影周之夜」頒獎禮後，便接住到橫店展開為期兩周的無綫新劇《宮心計2深宮計》外景拍攝採訪，笑言亦有趁此行改善睡眠時間，她謂：「平時喺香港多數開晏晝，所以都會好夜先瞓覺，但喺橫店好多時係早班，開早收早，咁就會晏晝5點食晚飯，食完就返酒店休息，因為橫店冇乜娛樂，惟有上床瞓覺，所以呢排成個人健康晒！」更指眼見劇集演員先後殺青離開返港，自己也思鄉病發作，每日也在日曆上倒數：「不過採訪過程都好順利，個個演員都好好，上下打成一片，好似羅霖殺青嗰時，佢將啲面膜、日用品都分享畀大家，好有愛！」