51歲夏文汐與37歲黎諾懿搞出真感情

無綫新劇《逆緣》（暫名）在將軍澳電視城試造型，演員夏文汐、林夏薇、黎諾懿、韓馬利、何綺雲、黃長興等出席。51歲夏文汐、37歲黎諾懿與30歲林夏薇有感情線，黎諾懿指他在戲中關係混亂，夏文汐解釋：「角色詳情要保持神祕，唔講得住。」

夏文汐坦言自從看過《馬家開飯》節目後好希望與黎諾懿演做對手戲，但就一直沒有開口要求，最後竟然成真：「之前睇電視喺《馬家開飯》見到黎諾懿，開頭唔知佢係邊個，只係覺得呢個男仔好掂，點知兩個禮拜之後監製就打嚟話係佢做，真係好有緣。」夏文汐又大讚黎諾懿在無綫中很突出、有氣質，連她家姐也讚黎諾懿靚仔。黎諾懿笑說：「咁掂啦，你記得同樂小姐（無綫高層樂易玲）講喎！」

黎諾懿自嘲似寶藥黨

原來今次夏文汐入無綫拍劇是得到樂易玲邀請，並度身訂造劇本，她提出每日最多開工十二小時，以保持狀態，她說：「我以前拍電影，電影冇咁多對白，依傢要狂咪劇本準備，之前拍ViuTV輕鬆好多，今次唔輕鬆。」黎諾懿笑說：「TVB拍劇出名好輕鬆，每日拍八個鐘，我覺得自己好似寶藥黨咁。」