劉美君開騷用劇情帶動觀眾情緒

歌手劉美君（Prudence）到電台宣傳演唱會，講到她唱了林敏驄二次創作的《午夜情》，她謂：「真係唔好意思，我本身應承咗如果返到嚟就做佢作品展嘉賓，同埋幫佢拍嗰啲群星祝賀片，但可惜我當時姨婆過世，冇心機，但我返嚟之後佢都有恭賀我，真係唔好意思，所以我就唱番首歌當醒佢。（到時演唱會唱呢個版本？）好難講，因為個騷好多劇情性嘅嘢，擺得到就擺。」

講到歌單，Prudence表示已有大綱，上年已開始構思，而今次開騷是類似音樂劇形式，有劇情帶動大家的情緒：「我諗咗好耐去形容個騷，目的係希望聾人會睇到台上有劇情發生，有情緒牽動，而盲人又可以聽到劇情嘅震撼力 ，今次係用好多角色同劇情演繹，去帶動觀眾喜怒哀樂同痛嘅情緒。（好考你？）係呀，但我鍾意演，Fans鍾意我唱歌同做戲。」她又笑言今次可能是首個「演」「唱」會。問到準備了歌衫？她表示會有少少超現實感覺，但又會令大家實在感受到情緒，問可會性感？她說：「唔會特登袒胸露臂、為露而露，唔會標奇立異。」她指七、八月會努力為演唱會創作戲劇，九月會正式排練。