蘇玉華嫌男友潘燦良愛諗嘢

演員蘇玉華與男友潘燦良接受電台訪問，兩人最近與張志偉合作搞了為期三年的舞台劇界Project，其中他們會舉辦工作坊及上堂，每年亦會有個演出，其中今年就是法國劇作《謊言》，兩人亦會演出此劇。講到此劇是講兩對夫婦互相偷情，蘇玉華睇劇本時更一邊睇一邊笑，此劇會在八月中上演，下星期他們會正式排練。另外，問到兩人相處時可會讚美對方？蘇玉華笑言不會，講到他們要講出對方優點，潘燦良表示：「蘇玉華一做嘢就非常專注，乜都唔理勇往直前，甚至係唔畀人哋理佢，屋企點都唔理，但當完成演出後就會返嚟現實世界，會執番好屋企。」而蘇玉華亦大讚潘燦良心思細密：「諗嘢好通透，會唔同角度多方思考，所以就令角色好立體，但佢係連日常都係咁，有時透徹到我會心諗唔使諗咁多啦。」