【半裸露點】陳柏宇攬老婆影火辣床照

「隱世歌手」陳柏宇（Jason）日前已經出發同老婆符曉薇（Leanne）去夏威夷度蜜月，做咗人妻嘅Leanne冇收收埋埋，大晒佢副model身材，而呢日佢仲公開同Jason嘅床照，其中一人半裸露點，非常火辣！

冇錯！嗰個人就係陳柏宇喇，係咪好有驚喜呢？而呢張床，係非一般嘅床，會隨住你嘅郁動而左右擺動，咪就係吊床囉！相中嘅Leanne挨住Jason個膊頭，鬼咁Sweet，佢話老公想喺廳中間整番張添～嘩，好有情趣吓喎！

而Leanne亦唔好畀佢停，着上另一套火紅色比堅尼喺海灘影相，呢件泳裝非常立體，驟眼睇好似Key上去咁，唔知佢帶咗幾多套去換，係咪諗住影番本寫真呢？