有愛心!鍾麗淇唔介意零酬勞做慈善大使

20170709
東網電視
更多新聞短片
鍾麗淇希望幫到更多有需要嘅人。

女星鍾麗淇(Margaret)以香港傷健策騎協會大使身份出席該會的盃賽,她表示這個協會支援傷健人士及特殊小朋友學策騎,而她的長女Isabella患有罕見基因病四號染色體缺損綜合症,很幸運地能被抽中跟協會學策騎,Margaret說:「其實早喺五年前,當時囡囡兩歲,我就聽人講策騎對小朋友有幫助,但政府規定要6歲先至可以學騎,囡囡啱啱過完生日就抽中咗。學策騎可以幫助腦部發展同社交技巧,就算我嘅囡囡唔識講嘢,但佢都會同良駒有交流。」

望提高公眾關注

Margaret稱當會找她擔任大使時,她可謂求之不得,並揚言:「錢我都可以唔收,我會全心全意去幫。每年平均只有百幾個小朋友抽中,一共上十堂。我希望可以提高公眾關注,雖然有馬會贊助,但請策騎老師係協會畀錢,我希望盡我能力籌多啲錢,最好買多塊地。」

囡囡學策騎夠聽話

Margaret又指女兒很喜歡上學策騎課:「我估唔到佢上堂時咁聽話,坐得咁直,我會再入紙去抽,想畀佢再學。因為普通騎術學校唔啱佢,要有專門人士去教,教法同普通騎術學校唔同。我唔理個小朋友有冇進步,但至少佢學得好開心,我就已經好滿足。」