賺人仔！黃宗澤約滿無綫工作排到明年中

藝人黃宗澤出席《溏心風暴3》煞科宴，他指自己的戲分很早已經拍完，現正拍攝邵氏網劇《飛虎極戰》，談到拍《溏》劇，他笑言：「當時真係死亡通告嚟，因為每日要拍23至24個小時，返屋企沖個涼又去拍外景，呢種生活都維持咗十幾日。」

跟無綫已經滿約的他，被問還晒劇債未？他謂：「完晒，但之後都會幫手做宣傳。（之後有何發展？）有好嘢記得搵我，依家我工作期表都Full到明年年中，大多數都係拍內地劇同網劇。（賺人民幣？）乜都有啦！（咁咪有好多錢買樓？）唔係！（勁過八両金？）係九両銀啫。」

由於工作十分忙碌，黃宗澤表示與日籍模特兒女友Jun很少見面：「冇辦法，各有各忙，大家都有用電話聯絡。（怕唔怕影響感情？）冇影響嘅。（同女友聚少離多？）我同阿媽都聚少離多，女友冇投訴嘅。」