《韓薦》：朴敏英演廢妃上演三角虐戀

又到新一集《韓薦》啦，今集會同大家介紹朴敏英、李東健同延宇振主演嘅古裝劇《七日的王妃》，朴敏英飾演只上位七日嘅廢妃端敬王后，會同飾演燕山君嘅李東健同朝鮮李氏中宗嘅延宇振上演三角虐戀。

綜藝節目方面，今集會講吓新一集《我獨自生活》，向來走神秘路線嘅金莎朗難得公開私生活，佢私底下同樣都好淑女㗎。而就嚟入伍嘅姜河那同朴瑞俊嘅新片《青年警察》會喺下個月上映，兩個人飾演警察大學嘅學生，有唔少搞笑場面！

另外會同大家介紹人氣選秀節目《Produce 101》第二季出身嘅15歲練習生柳善皓，仲有女歌手Heize嘅新歌，內容咁精彩，梗係唔可以錯過啦！