藝人王君馨（Grace）及王浩信到時代廣場出席「笑聲笑聲滿載溫馨」展覽開幕禮，前日在港補辦婚禮的Grace在台上笑言昨日老公本來想給她驚喜，為她下廚，但豈料有心無力。她又謂婚前已講好自己不會下廚，但會煲湯。她又請教浩信可以怎樣平衡家庭及工作，浩信就笑言平衡不到，因為工作已佔了20小時，但體諒很重要。

自爆最叻炒蛋

受訪時，浩信表示已起碼有半年沒跟父母全家人食飯：「但啱啱過咗生日，呢兩日休息希望有時間一齊食飯。」他亦謂暑假計劃與小朋友去旅行：「都係去啲名勝古蹟地方。（東南亞？）未決定，計劃緊，呢個月嘅工作都已落實。」講到Grace謂自己不會下廚，問她可是不懂下廚？她就謂自己好叻整Scrambled egg（炒蛋）：「大膽講係好食過香港9成嘅五星級酒店，賣相非常靚，同埋好滑。」

着圍裙「引」老公

Grace亦謂見到現場的圍裙好靚：「結婚後都唔可以喺屋企咁hea，唔可以淨係T恤短褲，要買啲靚嘅圍裙，但浩信笑我淨係着圍裙，裏面乜都唔好着。」浩信笑言：「咁樣會搞到老公唔知食咩好。」講到Grace老公昨日本想給驚喜，她笑言：「佢買咗牛扒，諗住開枝酒，但尋日佢狀態仲差過前一日、仲攰，希望着完圍裙下次可以有心有力。」她又謂稍後要去多次旅行：「因為我9月開劇，但我要做research，所以要同老公傾吓時間點安排好。」