搞到陳少琪冇得退休!陳明憙唔駁老竇嘴

20170714
東網電視
更多新聞短片
陳明憙都知老竇陳少琪係為佢好先鬧,所以佢都唔會駁嘴!
歌手陳明憙(Jocelyn)的父親是著名音樂人陳少琪,可以話Jocelyn未出世,老竇已經為香港的天王天后寫歌。來到2017年,Jocelyn遺傳着父親的音樂天賦,親自創作首支廣東歌,將以「黑、白、灰」三步曲進行,而父親陳少琪亦會為女兒新歌填詞。至於與父親談及工作話題,Jocelyn坦言:「平時爸爸都好搞笑,但一講到音樂,反差就好大,唔可以講笑。(阿女都照鬧?)會呀,成日都鬧我嘅,但我都慢慢明白,佢係想保護我同教識我嘢,所以我都唔會駁嘴。」
Jocelyn表示因對爸爸來說音樂既是他興趣又是工作,所以當和爸爸在家時,感覺似24小時都在談公事,她笑言:「有時連食飯都講,我就會講句『又開會?』,但其實爸爸咁多經驗,佢肯分享畀我聽都好開心嘅。」說到做歌手後,令父親都變得不輕鬆?Jocelyn不禁說:「係呀,佢成日話『如果唔係你,我都可以退休輕鬆啲,去砌模型啦!』所以我都想快啲做出成績,等佢唔使咁擔心,其實爸爸佢咁熱愛音樂工作,冇得做佢都唔開心嘅。」
說到中文名「陳明憙」,發現經常被寫成「熹」字,更有人叫她陳明「熹」?Jocelyn坦言:「係呀,所以每次見到人哋冇寫錯我個名都好感動,「憙」音係「喜」,好多人以為熹,兩個字係好似,又唔怪得人。」而用「憙」字是有因由,Jocelyn表示:「出世後就有位『高人叔叔』幫我改,佢同爹哋媽咪講,話睇得出我第時長大個心裏面嘅火氣好猛,所以要用個『憙』字,用開心去壓住心入面嘅火。」Jocelyn稱其實她心裏面都愛搖滾音樂,可能就是壓住團火才沒有展示出來。
化妝:Circle Cheung (ndnco.co)
髮型:Ziv Yeung (www.pi4.com.hk)
鞋: Hogan