藝人胡杏兒早前作客奇妙電視節目《天下第一Friend》，接受主持兼好友鄭紹康訪問。提到杏兒當年被冠上「胡囧囧」綽號，她即謂：「咁我真係喊得唔靚呀嘛，人哋話得你實有原因，咁我咪檢討吓囉！」講到事業發展，她自爆曾經有兩個迷失期：「第一個迷失期係剛開始一直做鄰家女孩角色，我諗過自己究竟有冇機會做主角呢？第二個迷失期係好多劇拍嘅時候，拍到天昏地暗，我覺得自己好似一部機器，冇時間去諗點樣可以做得更好！」她慶幸當時遇上為她指點迷津的劉松仁。

向定欣伸出援手

後來杏兒亦遇上同樣迷失的胡定欣，及時向定欣伸出援手的杏兒更因此與對方成為好友：「我同定欣、胡倍蔚，因為都姓胡，所以成立咗「胡說八道會」，黃智雯、姚子羚同李施樺係後來加入嘅！」李施樺是杏兒老公李乘德的前度女友，對於這位好姊妹，杏兒大方說：「都已經係過咗去嘅事！」杏兒也透露曾邀請舊愛黃宗澤（Bosco）出席婚禮，可惜當時Bosco丁父憂，未有到賀。

會拍《色，戒》激親老公

現時杏兒已是幸福人妻，對於夫妻相處之道，她說最緊要是互相尊重，包括工作上也要顧及對方感受。杏兒自爆趣事說：「有次佢（老公）問我會唔會做《色，戒》裡（裏）面湯唯個角色，我『傻更更』諗都唔諗就答佢會，佢聽完唔開心咗好耐！」又指老公雖然在外國長大，但思想傳統：「佢知我成日去荒山野嶺拍戲，特登去買塊玉畀我護身，有次見我冇戴，佢又嬲嬲豬咗！」為顧慮到老公的感受，杏兒笑謂現時拍戲，性感或接吻戲一概免問。