《2017香港小姐競選》其中6名佳麗到中環海濱接受「big big channel快問快答」測試，露肩示人的金美黎，頸部位置泛起紅點，雖然不算嚴重，但仍然明顯，她解釋：「可能係我頭先搽防曬嘅時候大力咗。（頭先影相你件衫差啲被風吹起？）係呀，我都驚，所以我即刻撳住，我裏面都着咗Top嘅！」

提到參選佳麗之一張寶欣是藝人張寶兒胞妹，因而吸引傳媒注意，金美黎不覺得自己有輸蝕：「其實每個女仔都係一顆獨特嘅星星，各有自己嘅發光點，所以我唔會好介意呢樣嘢！（你有咩優勢？）我捱得苦、有毅力，同埋做嘢有一份堅持！」