又少一個！Jessica＠SG默認有拖拍

組合Super Girls（SG）今日跟方皓玟、組合小塵埃、Yukilovey出席沙灘騷，SG五女大騷白滑美腿，成員Heidi、Cheronna及隊長Aka更將大會tee DIY變成露臍裝。對Yanny跟Cheronna已經名花有主，公開有拖拍，其他三姊妹可有被取笑「賣剩庶」或「籮底橙」？Jessica即笑說：「梗係籮底橙啦，賣剩庶係衰嘢，籮底橙係未有人執到寶啫。」問到三人如果拍拖可會公開？Aka表示會公開，但Heidi說：「要視乎對方，只要開心都會公開。」而Jessica就默認有拍拖，但她沒有公開打算，她說：「我唔會公開嘅，因為唔知公開咗，嗰個係咪行到最後嘅男朋友，唔想公開咗又分手，之後再拍拖又會畀人話。」

Heidi同電影老闆係勞資關係

Heidi盛傳跟時裝品牌高層蜜運，但又跟電影老闆曖昧，記者打趣笑她是「CEO嫂」，她似早有準備說：「其實係電影老闆同僱員嘅關係，唔知點解咁奇怪會有呢啲傳聞話我哋拍拖。（你有冇要人車你？送你手袋？）點會有呀，冇喎。」

而音樂會開始前，在沙灘上有瑜伽教練教過百人玩瑜伽，模特兒梁諾妍也有參與，穿上背心的她不時拋胸露事業線。