【好有愛呀】徐若瑄孖囝囝潮襯親子帽

台灣女星徐若瑄（Vivian）自從2015年為老公李雲峰誕下囝囝「李V寶」（Dalton）後，全副心機都放晒喺囝囝身上。雖然Vivian仍然喺娛樂圈工作，但一有時間就會同囝囝去玩，非常珍惜陪伴「李V寶」嘅童年。

呢日廿四孝媽咪Vivian趁住星期日唔使開工，就帶咗囝囝出外玩，佢哋仲特登襯埋母子裝上陣，齊齊戴上充滿夏日風情嘅草帽，非常有愛！但係「李V寶」仲係好細個，頭仔唔夠大，所以戴起帽上嚟就遮咗對精靈眼，不過佢仍然非常開心，而作為媽咪嘅Vivian亦笑得好燦爛，仲開心到甫咗喺社交網同網民分享：「帽子壓那麼低、你確定你看的到路？！又忘了穿長袖的V哥 #你開心就好 #媽咪很愛你❤#都疼（Dalton）耍帥 #獅子座」