世紀相認！黎美言陳庭欣原來係小學同學

歌手黎美言（Winkie）近年忙於教泰拳，佢不時都會喺網上同網友分享自己嘅練拳片。不過，呢日Winkie就唔係同大家分享自己練拳嘅點滴，反而就同大家分享同位多年冇聯絡嘅朋友相認嘅貼文，呢個係邊個？就係前港姐陳庭欣喇！

Winkie喺社交網發文表示可以同陳庭欣相認不知幾興奮，佢話：「失聯了十幾年我地（哋）終於相認番！我地（哋）係嘉諾撒聖芳濟各小學同學　六年班成日傾電話⋯⋯升中開始分隔兩地再失聯　仲要我地（哋）幾年前一齊拍過TVB節目，去過惠州住過幾日拍外景都未認得番，大家女大18變，小時侯我們都很man的，哈哈（我們現在還Look Young嗎？）＠陳庭欣_Toby ​​​​。」原來黎美言同陳庭欣識於微時，仲話以前日日傾電話，真係相當friend呀！網友見到後都表示好驚訝，話估唔到佢哋係小學同學，仲話咁難得相認，今次要好好keep住聯絡呀！