封阿Sa做女神　ReVe首次同女拍MV

由劉瑞祈（Kay）及陳子華（Cavan）組成的新進男子唱跳組合ReVe，最近推出新歌《After Party》，Kay指他們拍MV時非常認真：「大個仔喇，第一次MV有女主角，不過我哋太緊張，差啲唔記得同佢影相。」雖然拍了近10小時，但他們與女主角的接觸不多：「個意境想表達我哋成日都睇唔到佢，但臨拍完嘅時候，導演突然叫我同個女仔做啲嘢畀佢拍，我緊張到癲咗！」

Kay以舞蹈引起女方注意，發覺對方表現友善就鼓起勇氣拖手：「同佢傾吓偈、散吓步，但我急不及待想停機，因為我個心臟就嚟爆！」他表示ReVe上兩個MV都沒有女主角，本來同事叫他們死心，因為這次都不會有，沒想到突然有這個安排，令他們非常緊張：「冇準備，冇諗過。今次拍完真係好大得着，下次要有所準備，應該冇咁緊張，要大個仔。」問到最想與哪位女藝人合作？Kay自爆視蔡卓妍（阿Sa）為女神：「佢高不可攀，不過都係唔好喇，如果真係搵到佢，我會緊張到乜都做唔到，收唔到工。我望住佢已經開心死，唔使有交流。」