歌手馬嘉均（Mason）到電台宣傳歌曲《幽默感》，他透露最近於戲劇堂幫同學考試：「我上一屆啲成績都OK，老師就叫我幫手，得我適合做呢個角色，要同女同學做場錫戲，5個同學輪住錫。啲女仔話『你就好啦，錫咁多個』，我就覺得做戲啫。」他坦言要預備漱口水，感覺清潔一點。

上次自己考的時候，他是被錫的一個，覺得幾很意，但演戲時要投入角色：「錫完要死，好慘㗎！呢個星期三（19日）幫人考，呢幾日排戲就唔錫住。（最期待錫邊個？）唔可以講，個個都係靚女，但未有諗咩發展。」Mason笑言驚戲假情真，擔心自己的經濟不夠好。問到有否練習咀嘴？他笑說：「我成日搵好嘢食，唱歌嗰陣運動吓。我鍾意食辣，最鍾意食辣雞煲同西瓜。」他表示排戲後會和同學食宵夜，雖然不健康，但很開心。

說到正在拍攝科幻網絡電影，他坦言要看多些同類電影參考如何扮機械人：「喺香港拍，好多CG，都幾期待，幾得意，香港投資，但我冇份。」他希望申請政府的基金拍攝電影，並找同學合作。