黃心穎分唔到大細孖　周志文稱「躺着中槍」

藝人黃心穎被指背住緋聞男友馬國明在夜店中與周志文（大孖）玩得勁埋，唱K時兩人更異常投入，互相「嗒糖」。大孖接受東網電話訪問時，即指當時是梁麗翹的結婚派對，笑指有關說法「得啖笑」，他更忍不住謂：「嗰個係我細佬（周志康）嚟！我真係躺着也中槍，一起身就見到支槍射自己，我諗心穎都冇諗過志康都畀人認錯。」

可惜，他完全高估心穎BB的記憶力及認人能力。東網記者與心穎BB談及此事時，她指事隔個多月，不太記得有關情況：「我印象中兩個（周志文、周志康）都喺度喎！（其實你分唔分到佢兩個？）佢兩個人喺同場我就分到嘅，但係單一個人嘅話，我應該有八成機會中。」大孖，你實在太有自信喇！