玩Long D?朱千雪自爆同醫科男了解中
藝人朱千雪與陸浩明於金鐘出席退休保障活動,現正修讀法律博士課程的千雪透露修畢整個課程要花費六、七十萬元。
千雪被問會否選擇高風險的投資項目?她表示自己比較保險,儲錢寧願一蚊一蚊咁儲,故會比較慢,笑言自己屬穩陣派。至於可會選擇識投資的人作男友?她說:「唔係下下講錢嘅,都唔係好多朋友玩投資。」談到千雪被指榮升「Law界女神」,不少同學都爭着追她,她否認並指只是同學,而講到她曾公開表示與一位讀醫科的男士正在了解中,被問進展如何,她笑謂:「忙呀,連約屋企人食飯都要度期,佢唔係喺香港。」陸浩明就八卦問千雪:「你long D(遠距離戀愛)呀?」千雪謂:「了解吓,唔好逼我講啦,嚇走人呀!」
陸浩明又問千雪可否出任他的證婚律師,千雪指自己還有兩、三年修畢課程,而且要執業七年才可,陸浩明反應甚大的說:「即係我要等你十年?咁我返去同女朋友商量吓等你,但係肥媽(Maria Cordero)係咁催我,再唔係我買樓再搵你。」又反指可以等千雪結婚時當她婚禮的主持人,千雪笑指:「我怕你唔止要等我七年!」
談到千雪被指在讀書期間搵錢更多,她謂今年的商演成績不錯,不過就忘記了拍了多少個廣告,至於是否夠交學費?她說:「還可以,係要賺使費。(多過拍劇?)拍劇冇時間接出面啲工作,而且廣告商好就我返學啲時間。」陸浩明就笑指千雪「賺咁多」時,就被千雪反擊指:「邊夠你多呀,每個event都見到你!」