書展：自傳大揭秘！陳美齡擺老公上枱

前歌手陳美齡到書展出席分享會，宣傳其自傳新書，陳美齡表示是首度以中文寫作：「初時以為好難，寫完發現鍾意用中文，啲用字貼心啲，但可能唔夠水準、唔花巧。」陳美齡笑言自己已60多歲，人生有很多經歷，最大恩賜是遇上不少貴人：「喺困難、迷茫嘅時候，都有貴人幫我度難關。」

講到新書用中文寫，仔仔是否讀得懂？陳美齡笑說：「識呀，佢哋睇得明，可能讀得慢啲，廣東話就聽唔明。」講到寫自傳，陳美齡笑言有點尷尬：「人生就好似變咗一本打開嘅書，都怕之後唔好意思見讀者，裏面寫晒秘密、隱情，畀大家睇晒我嘅心，都有寫我感情生活，寫完有少少後悔，但我覺得唔可以隱瞞。（寫老公追求過程？）佢唔鍾意用佢啲相，出嚟出去都係嗰幾張，今次出咗張單人相，佢唔知嘅，佢唔識睇嘛！」