名人:Alvin Goh孖名模Coco Rocha合作
星級形象造型師Alvin Goh與首飾品牌Crossover拍攝了一輯宣傳照,Alvin更邀請了被稱為「Queen of pose」的國際名模Coco Rocha齊擔任模特兒,拍攝一輯既年青又有型,還帶有Rock味的照片。
Alvin今次專程飛紐約拍攝,表示與Coco合作好大壓力,他說:「佢係全世界出晒名擺最多甫士嘅model,1分鐘可擺100個甫士,好厲害,每一個郁動都係一個甫士,我企咗喺隔籬即時好大壓力,咁我同佢都好快手,所以今次拍攝好快就完工,而且出嚟效果大家都好滿意。」
Alvin又謂兩人是首次合作,他大讚Coco好好人,完全無架子,說:「佢初初以為我喺專業嘅模特兒,我同佢解釋我唔係,我嘅高度做唔到,而佢真係好高,所以拍攝時我都要企喺箱上面就番個高度。」品牌邀請兩位重量級人物拍攝,問到酬勞?Alvin表示十分滿意,是次拍攝二人酬勞高達七位數字。