王菀之舞台劇被迫取消　宣布聽晚補場

歌手王菀之（Ivana）近日忙於演出舞台劇第六季，原本今日下午3時（7月23日）的場次，因為颱風襲港關係，大會決定取消這一場公演，將在7月24日（一）8pm加演作為補場，持有7月23日（日）3pm門票的觀眾可選擇換領7月24日（一）8pm補場門票，亦可作退票安排，詳情可上大會的官網查詢。

王菀之接受東網訪問，她說：「今日因為8號風球緣故，3點鐘呢場取消咗，大會安排咗聽晚（24號）補演，主辦單位喺facebook都有公告呢個消息，大家可以去睇吓，買咗今場飛嘅觀眾可以選擇換聽晚飛，但大家要喺6點前回覆，如果睇唔到可以選擇退票，詳情資料官網有晒。」

因為演出取消，Ivana表示今早都同劇團喺group度開會，她在家中不停留意新聞報道，她笑說：「我仲睇咗一套電影。」Ivana表示今午取消演出，其實要聯絡很多台前幕後工作人員，因為場地都有好多規管，能夠在短時間內，要夾期明晚補期，大家都覺得好好彩夾到，她說：「都知有啲朋友等咗好耐，期待咗好耐，又可能自己啲事情調動晒，為咗睇今日3點場，但聽晚又冇法換飛去睇，可能會好失望，我哋都好抱歉，但都係想大家喺安全，大家齊心協力好想做一個好嘅演出，今晚演出會如常，然後聽晚我哋都期待，排除萬難去做一個good show。」