藝人陳豪以純白王子Look在將軍澳電視廣播城出席無綫節目《群星拱照big big channel》直播。提到最近有指他見到大仔有數學天分，便送其到猶太學校就讀，他即謂：「係隔籬間學校呀！（咩學校嚟？）都係國際學校。」問大仔是否的確有數學天分，他即笑說：「坦白講我數口都幾精，相信佢都唔差！」又指大仔其實在藝術方面較有天分。

問二仔有何專長，他坦言二仔專注力強：「第日可以做啲深入研究。（即係科學家？）唔一樣啦，喺學習上會加分。（囡囡呢？）佢好叻呀，學嘢好快，講嘢、行路、食嘢、放電同嗲人都齊晒。」問他會否偏心於囡囡，他指自己一視同仁，但有時兩位公子都會呷妹妹醋：「都錫妹妹嘅，但妹妹有時都會搶二哥嘢，可能佢哋年紀近啲。」

問老婆陳茵媺是否快將復出，他即表示差不多：「努力中，都快㗎，佢都接咗套電影。（佢同小朋友返咗加拿大？）係呀，過Summer Holiday，佢想咗好耐㗎喇，當初都驚佢陀手褦腳，但佢又Very Good喎！」