賭神粉絲！張靜初媽媽同周潤發玩Selfie

一向親和力十足嘅國際影星周潤發（發哥）之前就同郭富城一齊合作拍攝新戲，當中有份拍攝嘅內地女星張靜初，今日就喺社交網站上載咗一眾台前幕後出席宴會嘅合照，包括發哥、郭富城、廖啟智、林嘉華夫婦同導演莊文強。

有發哥嘅地方，當然要爭住同佢Selfie啦。今次煞科宴發哥又再出手，化身自拍神器，大展佢嘅自拍功力，認真唔話得。而張靜初更邀請咗佢媽咪一齊出席呢個宴會，一見面，張媽媽就變成小粉絲，主動要求同發哥一齊影相之餘，仲舉埋個V字手勢，佢仲笑得好開心添。張靜初就留言：「哈哈哈，殺青（煞科）啦從沒見過我媽媽主動要求合影，發現她居然是個潛藏的賭神粉」一班網民睇見都大叫羨慕，仲話張靜初喺呢個宴會都帶埋媽咪去，果然孝順女。