【獨家】撈過界！謝寧投資七位數搞音樂

身為五間曲奇店老闆的謝寧最近撈過界，出身於音樂世家的她於2009年開始支持香港節慶管弦樂團，去年與一班本地音樂精英一拍即合，望作育英才，眾人投資合共七位數搞音樂教育及製作，她更為香港節樂音樂學院擔任顧問，令小朋友對音樂產生興趣。

為父策劃音樂會

提到有「香港小巨肺」之稱的9歲譚芷昀（Celine）早前因參加美國著名才藝比賽《全美一叮》（America's Got Talent）的選拔賽一夜成名，她表示Celine有潛質：「但大人唔應有負面嘅一面，咁係對小朋友唔公平，鼓勵比賽，見識多啲係好，但都要focus學業，唔好偏去一邊。」她續說：「我父母都係音樂人，我學琴都係被迫，搵唔到目標，唔知點解要學，所以今次合作，想有多啲空間同平台畀小朋友發展。」她透露7月26日85歲的爸爸亦會於音樂學院中的全港最大型錄音室舉行音樂會，她說：「我幫佢全部策劃，搞咗半年，家族都係學音樂，會搵佢啲孫一齊表演。」

同兩女關係似朋友

育有兩女的謝寧教育採取開放式，不是世俗眼中的好媽媽：「我唔會迫佢哋學乜，畀佢哋去試，揀一樣去學，佢哋20幾歲，都唔係做音樂家，做關於藝術，我想佢哋有快樂童年，我唔係虎媽。（如果佢哋想入娛樂圈，會唔會阻止？）唔會，我係開通媽咪，會同佢哋講條路唔易行。」她直言與女兒甚麼都會傾訴，關係是朋友。

場地：香港節樂音樂學院