做袁文傑舊情人　袁潔儀嫌唔夠親熱戲

藝人袁潔儀於北角新光戲院出席公開活動，早前她於無綫劇《不懂撒嬌的女人》客串一角，飾演大老闆「游生」袁文傑的秘密舊情人，由於兩人均是前亞視藝人、加上45歲之齡仍駐顏有術引起不少回響，袁潔儀亦指自己估不到「雙袁」合璧會有如此大的回響，而搞笑的是二人原來在亞視期間是從沒合作過：「我同佢係亞視嗰陣，綜藝節目、劇集都冇合作過，估唔到今次喺TVB第一次合作就咁大回響，當然係大叔（指袁文傑）厲害，佢Keep得好好！（你叫佢大叔？）個個都咁叫嘛，其實我大過佢（3個月），我係阿嬸啦！」

今次反應如此好，問袁潔儀會否想跟袁文傑再合作？她說：「不知幾期待。（想演甚麼角色？）今次合作太點到即止，得個講字，希望下次合作有進一步嘅身體接觸，印象中，除咗甄志強高過我之外，都冇乜男藝人高過我，所以我同袁文傑都幾匹配，如果佢唔嫌我老佢小小嘅話，希望大家再有合作機會啦。」