爆薛家燕奪飛躍獎？黎諾懿望全家拍廣告

藝員黎諾懿到尖沙咀出席新劇《燦爛的外母》慰勞宴，諾懿笑言與薛家燕一齊夾錢請食飯，講到活動上宣布新劇將於8月28日播出，他直言拍攝中段收到通知，是近年少見的安排。問是否有特別原因？他笑言：「應該係捧家燕姐拎飛躍獎！（你拎過未？）冇喎！留畀家燕姐！（有分男女飛躍！）咁齊齊攞OK㗎！（想拎獎？）冇諗好耐，依家做咗爸爸，只諗S兩棟（錢），湊大個B，獎只係錦上添花。」

問為何不帶小春雞與一班叔叔姐姐見面？諾懿說：「最近流感好勁！（畀小春雞露面拍廣告？）半歲前都可以，畀佢玩一陣啦！到一歲就要慢慢減少，想佢見識咗之後過番正常小朋友嘅生活，有個快樂童年。（一家三口接廣告拍？）呢個真係睇錢，因為太太好怕醜，講得郁佢條數應該好可觀！」