繼陳百祥及陳法蓉後，無綫劇集《賭城群英會》又有人「身亡」，今次輪到嘅係高海寧（高Ling）！

今晚劇情交代佢嘅愛人何浩文因為要報仇，決定迎娶麥明詩，而當婚禮舉行時，扮演麥明詩爺爺嘅劉兆銘，因怕高Ling嚟破壞婚禮，吩咐手下「出動」，結果高Ling被追殺，當佢發現有人跟蹤自己時，已即刻搭?逃走，又打畀何浩文求救，可惜都係難逃厄運，畀人掟咗落街！佘詩曼目擊好姐妹墮樓，情緒失控喊到聲淚俱下，由驚訝、發呆、唔能夠接受到傷心、流淚再大喊崩潰，有晒層次，嚟一次演技大爆發！

至於何浩文呢，睇電視知道高Ling遇害，又唔想畀人識穿，惟有強裝鎮定，仲要餵粥畀老婆食，完全交代到乜嘢叫郎心如鐵！

高Ling之後都有喺ig發文，勁有感觸話：「隔著（着）螢光幕也能感受到小東的悲痛，一邊看，一邊也跟著（着）哭了！」佢仲#演技派，睇嚟高Ling都畀阿佘演技感動呀！