李幸倪玩田徑後遺 筋膜炎纏身一跑就痛

20170726
東網電視
更多新聞短片
Gin Lee遺傳父母運動細胞所以咁跑得。

歌手Gin Lee(李幸倪)接受電台訪問,講到兒時在馬來西亞讀書的往事,Gin Lee表示當年在校內是超級活躍分子,在中一時誤打誤撞入了田徑隊,之後代表學校出去比賽贏過不少獎盃。而Gin Lee「好跑得」相信都是遺傳了父母的運動基因,她謂:「爸爸係跑短跑、媽媽就係賽跑同跳高,家姐都係跑得好勁,不過,媽媽曾經跳傷條腰,所以就唔畀我玩跳高。」

然而因為跑步戰績彪炳,Gin Lee稱整個中學時代都是代表學校比賽,亦曾經想過當田徑運動員,但亦因為跑步而傷患太多,當時站立五分鐘腰都會很痛,她謂:「所以我以前唔鍾意shopping,行唔到咁耐,而且嗰時差唔多由未天光練跑練到天黑,犧牲咗好多私人時間,所以去到後尾我已經唔想跑,因為好攰,又曬到皮膚好黑,就喺中五一場比賽,因為傷患發揮得唔好,只跑到第三名,自己就同教練講唔想再跑,而教練都同意我退出。」

Gin Lee表示之後已很少再跑步,承認有點陰影,近兩年才開始跑馬拉松,她說:「其實我都有啲驚、有啲恐懼,因為我啲筋膜炎一跑就痛,所以,練馬拉松時啲舊患出晒嚟。但如果畀我再揀,當年都係會跑,因為運動員嘅訓練令到我依家性格練到好堅強,唔怕輸,亦唔怕辛苦。」