出新歌!太陽自爆同香港粉絲接觸最幸福

20170727
東網電視
更多新聞短片
太陽講嘢好 sweet!
韓國天團Big Bang成員太陽出席「Fendi For Young Bae」系列首賣日暨開幕慶祝活動,太陽身邊有6名保鏢陪同進場,整個詢問環節歷時15分鐘,而場外亦有大量粉絲守候偶像到來。
望與品牌再合作
太陽表示他花了3至4個月左右去構思這個「Fendi For Young Bae」別注聯乘系列,問到首次擔任時裝設計師的感覺,他說:「好有趣,Fendi佢哋都好聽我意見,合作得好開心。(最鍾意邊件商品?)其實每一件我都好鍾意,最鍾意就係我着緊嗰件。(呢個系列有冇part 2?)如果有Part 2我都好樂意同榮幸再合作,同埋有今次經驗都想有第二次。」
8月將出新歌
談及近況,Big Bang剛開始日本White Night演唱會,問到幾時會推出個人專輯?他說:「依家專輯都去到尾嘅階段,到8月將會以新面貌見人,亦會推出新歌曲。(來年會唔會有其他大型活動舉行?)出年未知,大家要繼續留意我哋動向,今年都有演唱會同大家見面。(巡迴演唱會有冇香港站?)香港會係其中一個目的地。」
將作曲為運動員打氣
此外,太陽最近獲委任為2018平昌冬季奥運宣傳大使,並為大會創作歌曲,問到有何感受?他說:「我88年出世,人生第30年好榮幸去接受做呢個宣傳大使,可以為大會作歌,父母都為我感到自豪。(主要擔任咩工作?)我負責做宣傳工作,而我作為歌手會用我嘅Talent作歌去支持同為運動員打氣。」
最後,Big Bang粉絲遍布全球,問到那一個地方的粉絲較為喜歡?他說:「呢樣成日畀人問,世界各地嘅粉絲都會喺我腦海出現,之前喺香港開演唱會見到啲粉絲,同佢哋接觸感到最幸福。」