動漫節：港女網紅自信心爆棚騷事業線

《香港動漫電玩節2017》今日開鑼，有多位索爆Game Girl駐場，打造宅男天堂，一如過往大致可分為香港幫及台灣幫，兩地美女各有長處、各有捧場客。

本地薑人氣王要數在網紅Rose Ma（馬俊怡）及Cherry（林小美），兩人穿上遊戲商制服盡騷三吋事業線，身形豐滿的Rose更有逼爆衫搶睛，Rose直言從來沒有加墊「裝假狗」，絕對是真材實料：「香港女仔要有自信，真係唔會輸蝕畀台灣女仔嘅，我優點係有肉地，自然豐滿。（台妹夠嗲！）我都可以嗲㗎！驚你嘔咋！」

而Cherry則大讚台妹性格可愛，但自信身高比她們優勝，而今次Cherry是破格性感騷事業線，心情有點緊張。而同場另一位索女Amber（陳煦凝）貌似「嫩版邱淑貞」，一樣非常省鏡！

至於有四年模特兒經驗的張欣欣（Yan Yan）在另一個攤位打扮成機械人女戰士，略騷事業線及長腿，貌似「嫩版劉心悠」的她不鬥性感，自信靠甜樣取勝。

另外「圓面周麗淇」張穎琪（Angus）及「的骰Baby」鍾曦南Cosplay變形金剛，兩人自信造型搶眼，且對身材有信心，南南笑說：「我唔覺得自己細粒係輸蝕，執錢都執得快啲啦！」