Cheronna三點式晒身材鬥阮兒玉背呃like

夏天來了，唔少圈中靚女都急不及待出動出海大曬身材。女子組合Super Girls成員Cheronna都着上白色三點式泳衣去海灘大解放，雖然佢坐喺水中只有個側面畀大家睇，不過已經令大家有好大聯想，難怪啲粉絲都留言「求正面」。

而阮兒出名身材出眾，都唔執輸同以白色三點色上陣，喺海中大晒玉背真係人景合一，佢仲自嘲話「呃like必備」，結果有網友留言話佢「呃like成功」。

另一邊廂，唔知大家仲記唔記得當年有個?模組合《Donut》嘅成員胡心諾呢？佢雖然改咗名叫Annabella，不過身材依然無變同樣驕人。今日佢就出海同陽光玩遊戲，三點式泳衣下大晒好身材，趴低食西瓜嘴半開嘅pose，真係好誘人。