與陳美詩行禮前玩直播　孫耀威要嫁出去

藝人孫耀威（Eric）跟陳美詩（Macy）結束8年愛情長跑，早前已經在美國洛杉磯註冊結婚，今日兩人於堅尼地道基督教教堂佑寧堂舉行結婚儀式，在牧師及親友見證下行禮，並接受祝福。

昨晚新娘子陳美詩上載與一班「姊妹團」合照到社交網，當中包括李亞男、王君馨、鄺文珣、陳佩思等，她們齊齊舉行婚前睡衣派對，十分開心！而今日新郎哥Eric就一早準備好結婚事宜，並留言：「我要嫁出去了」！

到教堂前，Eric在社交網玩直播，見化晒妝、Set晒頭，身穿浴袍的他，正由化妝師為他扮靚靚，不過Chok到爆的Eric期間有幾聲咳，他竟然用雙手自揼心口幾下，之後還打開領口露出胸肌，期間他又帶網民到客廳，見到相信是他親友的四位小朋友在玩耍，眾小朋友見Eric玩直播表現得相當好奇，而Eric就肉緊攬住其中一名年紀最小的男孩，着他叫自己為「舅父」，Eric咁鍾意小朋友，不如今晚就同Macy趕快造人，自己生番個玩到夠啦！

另外，Eric透過微博表示，「四點整（正）　婚禮直播！」