藝人胡杏兒、胡定欣、李施嬅、姚子羚及胡蓓蔚出發到澳洲拍攝無綫節目《胡說八道去旅行》，黃智雯因拍劇而未有同行。她們更帶同一個毛公仔同行，定欣說：「暫時由佢代替黃智雯，我哋有乜嘢就會同佢講。（佢會後來加入？）都希望，咁今次齊人最美滿。」問到會否於節目中互爆秘密，她說：「點會唔會？我哋講咗，佢（公仔）都唔會回應，講乜都笑住。（唔怕節目出街會畀佢鬧？）預咗啦！」

懷孕六個多月的杏兒透露老公未有拒絕她坐飛機到外地工作：「佢唔擔心。醫生話（懷孕）36周先唔可以飛，所以都keep住工作。今次好難得，佢哋太忙啦，一劇接一劇，有時約食飯都約唔到。」杏兒又表示因為太遠，老公應該不會到當地探班。她們透露每人帶了多個行李，更預備了比堅尼泳衣，或會為杏兒影大肚寫真。此外，胡蓓蔚笑言老公單立文趁她外出拍節目即叫朋友出去玩，定欣亦笑謂單立文其實很可憐：「佢最好嘅朋友唔喺香港，冇人照顧佢。」