有得瞓係重點！萬綺雯自爆愛上舞台劇

藝人萬綺雯（蚊蚊）現身月餅義賣活動，透露早前完成舞台劇演出，現正處於休息狀態，由於天氣酷熱，故暫不打算外遊，她謂：「我一年半冇見朋友仔，畀時間我約會吓佢哋先啦！同埋都準備緊下半年工作，可能都會係舞台劇方面嘅嘢！」

問到是否演舞台劇演上癮？蚊蚊笑指愛上舞台劇有足夠排練時間，更謂：「我個人唔可以太快，排舞台劇有得瞓，夜極都只係11點，返到屋企12點幾都可以瞓，所以都希望對舞台劇再深入了解，再做好啲！」更指早前與60名無障礙劇團成員合作演舞台劇引來回響，故希望將來繼續有機會合作。