蠱惑黑超現長腿　羅霖比堅尼若隱若現

51歲藝人羅霖駐顏有術，被封為「凍齡美女」完全不似已為三子之母。趁住暑假，佢就帶咗細仔劉子晉（Jonathan）去外地旅行，同陽光海灘玩遊戲。去得海灘梗係要騷吓身材啦，佢上載咗一張自拍照喺社交網，雖然着住件外套，但仍見到佢內裏粉紅色嘅三點式泳衣，其美好身段亦若隱若現，而佢副太陽眼鏡仲反射到佢對白滑長腿，網民都大叫爭啲睇漏眼呀。唔緊要，其實仲有兩張相嘅，其中一張佢同仔仔影咗張全身相，仔仔挨喺媽咪心口真係好有愛，而羅霖白滑長腿亦表露無遺，羅霖仲同仔仔一齊玩水上海活動添呀，真係夠晒sweet。網民大讚無得頂，難怪羅霖都留言「Happy holidays!」